ԵԱՀԿ Մինսկի խմբի համանախագահները մտադիր են հունիսի վերջում հանդիպում անցկացնել Հայաստանի ու Ադրբեջանի ԱԳ նախարարների հետ՝ նախապատրաստելու համար երկու նախագահների հանդիպումը, ասել է Ադրբեջանի ԱԳ նախարար Էլմար Մամեդյարովը: Նախարարը նաև հայտնել է, որ Լոնդոնից վերադարձի ճանապարհին նա հանդիպել է ԵԱՀԿ ՄԽ համանախագահների հետ: Հանդիպմանը քննարկվել է Հայաստանի ու Ադրբեջանի նախագահների հանդիպման ժամկետներն ու բովանդակությունը:
«Միջնորդները շարունում են պատրաստել նախագահների հանդիպումը, մենք ցանկանում ենք, որ այն բովանդակային լինի, ոչ թե ձևական»,-ասել է Ադրբեջանի ԱԳ նախարարը, հայտնում է «Նովոստի-Ազերբայջանը»: