ՌԴ ԱԳ նախարարը չգիտի տեղի կունենա արդյոք «Ժնև-2»-ը
CBS հեռուստաալիքին ու «Ռուսիա ալ Յաում»-ին տված հարցազրույցում ՌԴ ԱԳՆ ղեկավար Սերգեյ Լավրովը չի պատասխանել այն հարցին, թե կհաջողվի անցկացնել Սիրիայի վերաբերյալ միջազգային խորհրդաժողովը հուլիսին: Նա հայտարարել է, որ նախապատրաստման աշխատանքները արգելակում է սիրիական ընդդիմությունը և ողջ պատասխանատվությունը նա է կրում: Ըստ Լավրովի, ամերիկյան կողմը նաև խոստովանում է, որ սիրիական ընդդիմությունը, որը ֆինանսավորվում է արտերկրից, ոչ միայն պատրաստ չէ երկխոսության, այլ նաև չի կարողանում որոշակիացնել, թե ով է ներկայացնելու նրան խորհրդաժողովում:
