Հայ-վրացական սահմանը հատելիս վճարվող մաքսատուրքերի հետ կապված ջավախահայերի բարձրացրած խնդիրը կքննարկվի Ազգային ժողովում: Այս մասին այսօր խորհրդարանում ավանդական հայտարարությունների ժամին հայտնեց ՀՀԿ պատգամավոր Վարդան Այվազյանը:
Նա տեղեկացրեց, որ հարցը քննարկել է պատասխանատու և շահագրգիռ մարմինների հետ: Վարդան Այվազյանի խոսքով՝ պայմանավորվածություն կա մյուս շաբաթ հանդիպել Ազգային Ժողովում և քննարկել հարցը: Պայմանավորվել են նաև, մաքսային ծառայությունը աջակցելու է ջավախահայերին:
Նշենք, որ ջավախահայերը վերջերս փակել էին Գյումրի-Ախալքալաք ավտոճանապարհը և բողոքում էին մաքսային միջնորդավճարներից, որ յուրաքանչյուր անգամ գանձվում է հայ-վրացական սահմանը հատելիս: