2013-ի հունվար-ապրիլին Հայաստանում արտադրվել է 32 342 կարատ ադամանդ 2012-ի նույն շրջանի 16 971 կարատ ադամանդի փոխարեն (աճը 90,6 տոկոս): Այդ մասին հաղորդում է Հայաստանի Ազգային վիճակագրական ծառայությունը:
Բացի այդ, հաշվետու շրջանում երկրում արտադրվել է 319 կգ ոսկերչական արտադրանք 2012-ի նույն շրջանի 273,2 կգ փոխարեն: Այսպիսով, 2012-ի ցուցանիշի համեմատ այս արտադրությունում 2013թ. առաջին չորս ամսում 16,8 տոկոս աճ է գրանցվել: