Սպիտակ տունը դժգոհ է Էրդողանից
ԱՄՆ վարչակազմը մտահոգված է թուրքական իշխանությունների գործողություններով, որոնք սահմանափակում են քաղաքացիների խոսքի ազատությունը, հայտնում է «Ռոյթերսը»: Սպիտակ տունը նաև կոչ է անում հակամարտության կողմերին երկխոսություն սկսել տարաձայնությունների խաղաղ կարգավորման նպատակով:
«Մենք շարունակում ենք ուշադիր հետևել Թուրքիայի իրադարձություններին»,-ասվում է Սպիտակ տան մամլո քարտուղար Քեթլին Հեյդենի ուղերձում: «Թուրքիայի բարգավաճման կարևոր գրավականն է քաղաքացիական իրավունքների, խոսքի ազատության, հավաքների ու ասոցիացիաների ազատությունն ու մամուլի ազատությունը»,-ասվում է ուղերձում:
