ԼՂՀ ախագահ Բակո Սահակյանը այսօր այցելել է քաղաք Մարտունի և մասնակցել Արցախի հերոս Մոնթե Մելքոնյանի զոհվելու 20-ամյա տարելիցին նվիրված միջոցառումներին: Այս մասին PanARMENIAN.Net-ին տեղեկացնում է Արցախի հանրապետության նախագահի աշխատալազմի տեղեկատվության գլխավոր վարչությունը:
Նախագահ Սահակյանը ծաղկեպսակներ է դրել Ավոյի և զոհված ազատամարտիկների հուշարձաններին ու մասնակցել Մարտունու մշակույթի պալատում Մոնթե Մելքոնյանի հիշատակին նվիրված միջոցառմանը:
Միջոցառումներին մասնակցում էին Հայ Առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը, Ազգային Ժողովի փոխխոսնակ Արթուր Թովմասյանը, փոխվարչապետ Արթուր Աղաբեկյանը, ՀՀ ԶՈՒ գլխավոր շտաբի պետ Յուրի Խաչատուրովը, ԼՂՀ պաշտպանության նախարար Մովսես Հակոբյանը, պաշտոնատար այլ անձինք, հյուրեր Հայաստանից և Սփյուռքից:
