Բարերար Ռուբեն Վարդանյանը չի ցանկանում Հայաստանի նախագահ լինել ոչ 15, ոչ էլ 20 տարի հետո: «Ես լավ եմ անում այն, ինչ գիտեմ՝ ծրագրեր եմ իրականացնում կրթական ու բարեգործական ոլորտներում»,-ասել է նա Քսենիա Սոբչակին տված հարցազրույցում:
Ռուբեն Վարդանյանը վստահ է, որ չունի քաղաքական գործչին հատուկ որակներ: «Ես շատ բան եմ անում Հայաստանի համար որպես Ռուսաստանի քաղաքացի»,-ասել է նա:
Բարերաը նշել է, որ Հայաստանը ազգային առումով միատարր երկիր է կլանային կառավարմամբ՝ տարբերվելով այն մտածելակերպից և մթնոլորտից, որտեղ նա արդեն սովորել է ապրել:
Միաժամանակ Ռուբեն Վարդանյանն ասել է, որ լավ հարաբերություններ ունի գործող իշխանությունների հետ: