Բելառուսի նախագահ Ալեքսանդր Լուկաշենկոն միջնորդի դերը չի սիրում: Այդ մասին ասել է ինքը Լուկաշենկոն «Իզվեստիա.ուա»-ին տված հարցազրույցում, նշելով, թե իր կարծիքով «Լեռնային Ղարաբաղում նորմալ կյանք չկա»:
«Ինչ է Ղարաբաղը ներկայացնում, ինչպես ես մարդիկ այնտեղ ապրում, աշխատում: Այնտեղ նորմալ կյանք էլ չկա»,- ասել է նախագահը:
Ղարաբաղի հակամարտության կարգավորման գործում որպես միջնորդ առաջարկել է Ուկրաինային, «բայց նրանք չհամաձայնվեցին»:
«Ես հասկացա, որ այդ խնդիրը պետք է լուծել: Մի նախագահի հետ խոսեցի, մյուսի հետ: Բացատրեցի, որ իրավիճակը չի կարող երկար այդպես մնալ: Հայերը համաձայնվեցին ինձ հետ, Իլհամ Ալիևի հետ ես նույնպես խոսեցի, նա ասաց, որ դեմ չէ»,-ասել է Լուկաշենկոն:
Ըստ Բելառուսի նախագահի, «Ռուսաստանն ու Ադրբեջանը պետք է միասին նստեն ու լուծեն բոլոր հարցերը»: «Դրա համար հարկավոր է երկու նախագահների քաղաքական կամքը: Իսկ Մինսկի խումբը կարող է միայն որպես երաշխավոր հանդես գալ»,- եզրափակել է Լուկաշենկոն: