Թուրքիայի վարչապետ Ռեջեփ Թաիփ Էրդողանը հակակառավարական ցույցեր անող թուրքերին մեղադրել է երկրում վիճակը ապակայունացնելու մեջ և ենթադրել է, որ Թուրքիայում շաբաթներ շարունակվող բողոքի ակցիաները պատճառ են դարձել նաև Բրազիլիայում սկիզբ առած դժգոհության ալիքին:
Էրդողանը նաև կարծում է, որ Թուրքիայում ու Բրազիլիայում բողոքի ակցիաները, այսպես կոչված, «թշնամի պետությունների» ձեռքի գործն են:
Այս մասին թուրքիայի կառավարության ղեկավարը հայտարարել է Սամսուն քաղաքում իր համակիրների հետ հանդիպման ժամանակ: