Թուրքիայի վարչապետ Ռեջեփ Թայիփ Էրդողանը նոր բռնակալ է: Այդ մասին հայտարարել է Թուրքիայի գլխավոր ընդդիմադիր ուժի՝ Ժողովրդական հանրապետական կուսակցության նախագահ Քեմալ Ղլիչդարօղլուն:
Ինչպես գրում է Hurriyet Daily News, Ղլիչդարօղլուն նշել է, որ Երկիր մոլորակի վրա 7 մլրդ մարդ է ապրում: Սխալվում են բոլորը, սակայն բոլորն են աշխատում ուղղել սխալները, և երբ անհրաժեշտ է ներողություն են խնդրում: «Դա վկայում է մարդու արժեհամակարգի մասին: Սակայն Էրդողանը հայտարարում է, թե ինքը սխալ չի գործում: Նրա անունն է՝ Թուրքիայի նոր բռնակալ Ռեջեփ Թայիփ Էրդողան»,-ասել է Ղլիչդարօղլուն՝ հավելելով, որ Գեզի պուրակը ծնկի բերեց Էրդողանին:
«Խուճապահար Էրդողանը հանդիպումներ է պատրաստում երկրով մեկ, սակայն լսում է միայն ինքն իրեն: Ոչ ոք չի լսում, թե նա ինչ է ասում: Էրդողանին կարելի է բնութագրել մեկ բառով՝ խաբեբա»,-ասել է նա:
