Ջավախքում բերման ենթարկված մոտ 30 երիտասարդների մեծ մասին ազատ են արձակել: Այս մասին PanARMENIAN.Net-ին հայտնեց «Բազմազգ Վրաստան» հասարակական կազմակերպության նախագահ Առնոլդ Ստեփանյանը: Նա նշեց, որ Վահագն Չախալյանի եղբորը` Արմեն Չախալյանին և ևս երեք երտասարդի չեն ազատել:
Այս պահին այլ մանրամասներ հայտնի չեն: Հայտնի չէ նաև, նրանց մեղադրանք առաջադրվել է, թե` ոչ:
Ինչպես հայտնել էինք նախօրեին միջադեպ էր տեղի ունեցել և Վրաստանի իրավապահ մարմինները մոտ 30 երիտասարդի բերման էին ենթարկել: Նրանց թվում էր նաև ջավախահայ ակտիվիստ, նախկին քաղբանտարկյալ Վահագն Չախալյանի եղբայրը` Արմեն Չախալյանը, ով գնացել էր վեճը հարթելու