Հրդեհ Նոր Խարբերդում. Այրվել է 3000 քմ խոտածածկ տարածք և 30 ծառ
Այսօր, ժամը 13:23-ին ահազանգ է ստացվել, որ Արարատի մարզի Նոր Խարբերդի ամառանոցների Անտառային փողոցում այրվում է խոտածածկ տարածք:
Հայաստանի ԱԻՆ փրկարար ծառայությունից տեղեկանում ենք, որ դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 13.52-ին, մարվել՝ 14.00-ին:
Այրվել է 3000 քմ խոտածածկ տարածք և 30 ծառ, որից 4-ը՝ բերքատու:
