Այսօր ժամը 17:19-ին ԱԻՆ ահազանգ է ստացվել, որ Ռյա Թազա գյուղի մոտակայքում տեղի է ունեցել ճանապարհատրանսպորտային պատահար, կան տուժածներ. անհրաժեշտ է փրկարարների օգնությունը:

ԱԻ նախարարության մամուլի ծառայությունից տեղեկանում ենք, որ դեպքի վայր են մեկնել երկու մարտական հաշվարկ, ՄՓՎ ՕԽ-ն:

Տեղում պարզվել է, որ դեռևս չբացահայտված հանգամանքներում բախվել են «ԳԱԶել» մակնիշի 2586Լ պետհամարանիշի և «ԶԻԼ» մակնիշի 02ՍՍ091 պետհամարանիշի ավտոմեքենաները: Նախնական տվյալներով կա 2 զոհ և 11 տուժած, որոնցից 9-ը տեղափոխվել են Ապարան քաղաքի բժշկական կենտրոն, իսկ 2-ը` 1995 թ. ծնված Սարդարյան Գ-ն և 1980 թ. ծնված Սարիբեկյան Ա.ն տեղափոխվել են Ծաղկահովիտ գյուղի բժշկական կենտրոն: