Ազատ ոճի ըմբիշ Դավիթ Սաֆարյանն Ունիվերսիադայում նվաճեց արծաթե մեդալ
Ազատ ոճի ըմբիշ, Եվրոպայի չեմպիոն Դավիթ Սաֆարյանը (66 կգ) Կազանում ընթացող Ունիվերսիադայում գրավեց երկրորդ տեղը:
Եզրափակչում նրա մրցակիցը Ռուսաստանի ներկայացուցիչ Մագոմեդ Կուրբանալիևն էր: Սաֆարյանը զիջեց 1:3 հաշվով և դարձավ արծաթե մեդալակիր:
Մինչ եզրափակիչ գոտեմարտը Սաֆարյանն առավելության էր հասել Արկադիուս Սեխայի, ուզբեկ Իհտիեր Նավրուզովի, ղրղըզ Ուլուկման Մամատովի և ուկրաինացի Սեմյոն Ռադուլովի նկատմամբ:
Ավելի վաղ, Հայաստանի ներկայացուցիչներից բռնցքամարտիկ Արթուր Քիրաջյանը ևս արծաթե մեդալ էր նվաճել, իսկ մեկ այլ բռնցքամարտիկ Հենրիկ Մոքոյանը գրավել է երրորդ տեղը:
