Ամառային Ունիվերսիադայում այսօր ելույթ ունեցան նաև մինչև 85 կգ քաշային ծանրորդները: Հայաստանը ներկայացնում էր 2011 թվականի համաշխարհային ուսանողական խաղերի չեմպիոն Աղասի Աղասյանը, որն այն ժամանակ հանդես էր գալիս մինչև 77 կգ քաշային կարգում:
Պոկում վարժությունում Աղասյանն օգտագործեց իր առաջին մոտեցումը և բարձրացրեց 150 կգ: Հրումում ևս ծանրորդն օգտագործեց մեկ մոտեցում և գլխավերևում պահեց 190 կգ: Երկարամրտի արդյունքում Աղասյանը 340 կգ արդյունքով զբաղեցրեց 6-րդ տեղը:
Ունիվերսիադայի չեմպիոն դարձավ Ապտի Աուխադովը (Ռուսաստան), որը ցույց տվեց 372 կգ արդյունք:
Ավելի վաղ հայ ծանրորդներից Սմբատ Մարգարյանը (56 կգ) զբաղեցրել էր 8-րդ տեղը: Վաղը ելույթ կունենա Հայաստանի վերջին ներկայացուցիչը` Վարդան Դավթյանը (94 կգ):