Վլադիմիր Պուտինն ու Բարաք Օբաման հեռախոսով քննարկել են Սնոուդենի շուրջ ստեղծված իրավիճակը
Ռուսաստանի ու ԱՄՆ նախագահներ Վլադիմիր Պուտինն ու Բարաք Օբաման հեռախոսով քննարկել են ԿՀՎ նախկին աշխատակից Էդվարդ Սնոուդենի շուրջ ստեղծված իրավիճակը, հայտնել է «ՌԻԱ Նովոստի» գործակալությանը ՌԴ նախագահի մամլո քարտուղար Դմիտրի Պեսկովը:
«Ամերիկյան կողմի նախաձեռնությամբ տեղի է ունեցել ՌԴ և ԱՄՆ նախագահների հեռախոսազրույցը: Պուտինն ու Օբաման կարծիքներ են փոխանակել երկկողմ հարաբերություններին առնչվող հարցերի շուրջ: Բացի այդ, նրանք քննարկել են Սնոուդենի շուրջ ստեղծված իրավիճակը»,-ասել է Պեսկովը:
«Նրանք կարևորել են երկկողմ հարաբերություններն ու քննարկել են մի շարք երկկոսմ հարցեր, այդ թվում նաև պարոն Սնոուդենի կարգավիճակը»,-ասվում է Սպիտակ տան հաղորդագրության մեջ:
