Չինաստանը հրաժարվել է Գուանդուն գավառում միջուկային վառելիքի արտադրության գործարանի նախագծից, այդ մասին այսօր հայտարարել է «Սինհուա» գործակալությունը:
Ըստ գործակալության, չինական ազգային միջուկային կորպորացիան (CNNC) հրաժարվել է հարստացման գործարանի կառուցումից Հեշան քաղաքի արվարձանում: Ներդրումները պետք է կազմեին մոտ 37 մլրդ յուան՝ 6 մլրդ դոլար:
Նախագիծն առաջացրեց տեղի բնակչության բողոքը: «Մեզ երեխաներ են հարկավոր, ոչ թե ատոմ»,-ասում էին նրանք: