Այսօր Սարդարապատի hուշահամալիրում անցկացվել է առաջին անգամ հարկադիր կատարողի պաշտոնում նշանակված անձանց երդման հանդիսավոր արարողությունը:
Միջոցառման մեկնարկից առաջ՝ ՀՀ գլխավոր հարկադիր կատարող, գեներալ-մայոր Միհրան Պողոսյանի գլխավորությամբ ծառայության աշխատակիցները ծաղկեպսակ են դրել Սարդարապատի ճակատամարտի հերոսների հիշատակը հավերժացնող հուշակոթողին:
Շնորհավորելով ծառայության նոր աշխատակիցներին` Պողոսյանը հույս է հայտնել, որ կարճ ժամանակում նրանք հունի մեջ կմտնեն և արժանիորեն կծառայեն մեր պետությանn ու ժողովրդին:
Երդման արարողությանը հաջորդած ծառայողական վկայականների հանդիսավոր հանձնումից հետո ծառայության աշխատակիցները շրջայց են կատարել Սարդարապատի թանգարանում: