Հայաստանում Ռուսաստանի դեսպանատան դիմաց այժմ ընթանում է «Հայազն» կուսակցության կազմակերպած բողոքի ակցիան: Ակցայի մասնակիցները ցանկանում էին խալաթ հանձնել դեսպանատուն, սակայն նրանց թույլ չտվեցին ներս մտնել: Նրանք խալաթն ամրացրել են դեսպանատան ցանկապատին: Հավելենք, որ երեկվա ակցիայի մասնակիցներին ևս թույլ չէին տվել խալաթը դեսպանատուն հանձնել:
Նշենք, որ ակցիան կազմակերպվել է ի նշան բողոքի ՀՀ քաղաքացի Հրաչյա Հարությունյանի հանդեպ ռուս իրավապահների ցուցաբերած վերաբերմունքի:
Հիշեցնենք, որ Հրաչյա Հարությունյանը կալանավորվել է հուլիսի 13-ին Նոր Մոսկվայի մերձակայքում տեղի ունեցած վթարից հետո: Հարությունյանի վարած բեռնատարը բախվել է մարդատար ավտոբուսին, ինչի հետևանքով 18 մարդ է զոհվել: Հայ վարորդին հիվանդանոցից դատարան են տեղափոխել կանացի խալաթով, ինչը ըստ ակցիայի մասնակիցների, նրան նվաստացնելու նպատակով է արվել:
