Մյանմայի նախագահը համաներում է շնորհել 70 քաղբանտարկյալների
Մյանմայի նախագահ Թեյն Սեյնը հուլիսի 22-ին հրամանագիր է ստորագրել 70 քաղբանտարկյալների համաներման մասին, հայտնում է «Ֆրանս պրես» գործակալությունը:
Ավելի վաղ նախորդ ամսում Մեծ Բրիտանիա այցելության ժամանակ Սեյնը հայտարարեց, թե «մինչ տարեվերջ ազատ կարձակվեն բոլոր քաղբանտարկյալները»:
«Կեսդարյա ռազմական կառավարումից մենք անցնում ենք ժողովրդավարության»,-ասել է նա:
Նախագահը չի հստակեցրել իրենց համոզմունքների համար ճաղերի ետևում հայտնված քաղաքացիների ընդհանուր թիվը:
