«Կուզենայի չհավատալ, թե Ադրբեջանում ԱՄՆ դեսպանն այդպես է արտահայտվել»,-հայտարարել է Հայաստանի արտգործնախարարության մամլո քարտուղար Համլետ Գասպարյանը` մեկնաբանելով Ռինո Հարնիշի արտահայտությունն այն մասին, թե «Հայաստանի նախագահ Ռ. Քոչարյանի Հայաստանի հետ Լեռնային Ղարաբաղի հնարավոր միավորման մասին հայտարարությունը միայն սաստկացնում է լարվածությունը տարածաշրջանում եւ որեւէ օգուտ չի բերում»: «Հակառակ դեպքում պետք է առաջարկեի հարգարժան դեսպանին հեռու չգնալ եւ մեկնաբանել հենց իր քթի տակ արվող ադրբեջանական ղեկավարության հայտարարությունները, որոնք առատ նյութ են մատակարարում զանազան ենթադրությունների, այդ թվում նաեւ տարածաշրջանում լարվածության սաստկացման, նույնիսկ ուղղակի պատերազմի սպառնալիքների առումով: Հետաքրքիր է իմանալ, ի՞նչն է խանգարում դեսպանին դա չտեսնել կամ չտեսնելու տալ: Երեւում է ԱՄՆ դեսպանը բնակալել է Բաքվում»,-հայտարարել է Հ.Գասպարյանը, հաղորդում է ՀՀ ԱԳՆ մամլո ծառայությունը: