Այսօր Սիրիայի կառավարական ուժերն իրենց վերահսկողության տակ են առել Ալ Խանասեր բլուր կոչվող շրջանը, որտեղով անցնում է Հալեպ տանող ռազմավարական նշանակություն ունեցող ճանապարհը: Այս ճանապարհով հնարավոր է հասնել մինչև Հալեպի միջազգային օդանավակայան: Այս ճանապարհով հնավարոր է նաև քաղաք մտցնել պարեն, փոխադրամիջոցների ելքումուտք ապահովել, գրում է yerakouyn.com-ը` հղում տալով syrianow կայքին:
Շրջափակման պատճառով հայաշատ Հալեպում արդեն հացի, ուտելիքի ու վառելիքի կարիքը սրվում էր: Հացի փռերի դիմաց հսկայական հերթեր են: Հացը նաև զգալի թանկացել էր: Գործում են միայն պետական փռեր, մասնավորները չեն աշխատում, ու կեսօրին հաց ունենալու համար առավոտ վաղ Հալեպի բնակիչները պետք է հերթ կանգնեին: Արդեն նույնիսկ հացի սև շուկա էր առաջացել. PanARMENIAN.Net-ի թղթակցին ասել է Սիրիայի ազգային առաջնորդարանի մամուլի քարտուղար Ժիրայր Ռեիսյանը: