Առնվազն 12 մարդ է զոհվել և ութը վիրավորվել են Պակիստանի արևմուտքում ահաբեկչությունների արդյունքում: Ինչպես հայտնում են տեղական ԶԼՄ-ները, առավոտյան Քվետաա քաղաքում երկու պայթյուն է որոտացել:
Հարձակումը տեղի է ունեցել ռամադան սրբազան ամսվա ավարտին կազմակերպվող տոնակատարության ժամանակ, որի ընթացքում բռնությունն արգելված է: Ահաբեկչական խմբավորումներից ոչ մեկը չի ստանձնել պատասխանատվությունը, հայտնում է ԻՏԱՐ-ՏԱՍՍ-ը: