Հոսնի Մուբարաքը կարող է ազատ արձակվել այս շաբաթ: Այդ մասին այսօր լրագրողներին է հայտարարել Եգիպտոսի նախկին նախագահի փաստաբան Ֆարիդ ադ Դիբը:
Ըստ նրա, դատախազը հանել է կոռուպցիայի մեղադրական եզրակացության կետերից մեկը: Մնում է վերջին կետը, սակայն, դա «լոկ իրավաբանական ձևականություն է, որը 48 ժամից ավելի չի տևի», ասել է փաստաբանը:
Մուբարաքի և նրա ընտանիքի կարողությունը տասնյակ անգամ ավելի պակաս է, քան վերագրում էին նրան 2011թ. հեղափոխությունից առաջ: Ադ Դիբը հավելել է նաև, որ 85-ամյա Մուբարաքին ապագայում երկրորդ դատավարությունն է սպասում ցուցարարների սպանության մեղսակցության մեղադրանքով: