2012 գործունեության արդյունքներով Եվրոպայի առաջատար առևտրային բանկերից մեկը` գերմանական Կոմերցբանկը (Commerzbank) « Առէկսիմբանկ-Գազպրոմբանկի խումբ » ՓԲԸ-ին պարգևատրել է Կոմերցբանկի միջոցով կատարված «Միջազգային վճարումների բարձր որակի համար», ասվում է հաղորդագրության մեջ:
«Առէկսիմբանկ-Գազպրոմբանկի խումբ » ՓԲԸ-ի կողմից Commerzbank AG կատարված փոխանցումների ավելի քան 98 տոկոսը համապատասխանել են STP որակի միջազգային ստանդարտներին, ինչի շնորհիվ Commerzbank AG-ում դրանք մշակվել են ավտոմատ կերպով` առանց մարդկային միջամտության: Այս մրցանակը մեկ անգամ ևս վկայում է « Առէկսիմբանկ-Գազպրոմբանկի խումբ » ՓԲԸ-ի անձնակազմի աշխատանքային բարձր պատասխանատվության, մասնագիտական հմտության և արհեստավարժության մասին:
Պատվավոր մրցանակը, բանկին հանձնել է Commerzbank-ի ներկայացուցիչ Մարկո Գրաֆը և նշել, որ այն հանդիսանում է բանկի հետ կայուն և արդյունավետ համագործակցության հավաստիք:
