«Հայաստան» համահայկական հիմնադրամի Մեծ Բրիտանիայի հայ համայնքի օժանդակությամբ դպրոցական պայուսակներ և գրենական պիտույքներ է նվիրաբերել Վայոց Ձորի մարզի Արին գյուղի դպրոցի 52 աշակերտի:
Հիմնադրամի Մեծ Բրիտանիայի տեղական մարմինը կրթական և առողջապահական խոշոր ծրագրերին զուգընթաց վերջին 10 տարում օժանդակել է Շիրակի, Լոռու, Տավուշի, Արագածոտնի և Վայոց Ձորի մարզերի ավելի քան 2000 աշակերտի: Նոր ուսումնական տարվան ընդառաջ` այս տարի ևս 52 դպրոցական ստացել է անհրաժեշտ գրենական պիտույքներ:
Հիմնադրամի Մեծ Բրիտանիայի տեղական մարմնի ատենապետ Արմինե Կարապետին համարում է, որ ուսումնական տարվա սկզբին մի քանի տասնյակ ընտանիքների նյութական հոգսը թեթևացնելը ոչ միայն կենցաղային, այլ նաև բարոյական աջակցություն է: