Սիրիայում ՀՀ դեսպանության տվյալներով այսօր Դամասկոսի Սբ.Սարգիս եկեղեցու մոտակայքում տեղի ունեցած պայթյունների արդյունքում զոհվել է հայազգի Հակոբ Սարգսյանը, կան վիրավորներ, հայտնում է ՀՀ ԱԳՆ-ն։
Մասնակիորեն վնասվել են Սբ.Սարգիս եկեղեցու և կից գործող հայկական միջնակարգ դպրոցի պատերը։
ՄԱԿ-ի տվյալներով, Սիրիայում արդեն 2 տարի շարունակվող բախումների հետևանքով զոհերի թիվը հասնում է 100.000-ի: Զոհված սիրիահայերի թիվը հասնում է 5 տասնյակի: Բազմաթիվ սիրիահայեր առևանգվել են, ազատ արձակվել փրկագնով: