Դամասկոսի արվարձանում գտնվող Արևելյան Գուտայում վկաների ու տուժածների ցուցմունքները ակնհայտորեն վկայում են, որ նյարդապարալիտիկ զարին գազը կիրառել են ընդդիմության գրոհայինները: Այդ մասին այսօր շվեյցարական հեռուստատեսությանն է հայտարարել Սիրիայում մարդու իրավունքների հնարավոր խախտումները հետաքննող հանձնաժողովի անդամ Կարլա դել Պոնտեն, հայտնում է Syria Al An-ը: «Փորձագիտական հանձնաժողովը դեռ ոչ մի վկայություն չի գտել, որ կառավարական բանակն է օգտագործել քիմիական զենքը»,-ասել է նա: