Ռուսաստանի ու Իրանի նախագահներ Վլադիմիր Պուտինն ու Հասան Ռոուհանին հեռախոսազրույց են ունեցել և քննարկել են Սիրիայում քիմիական զենքի կիրառման հետ կապված իրավիճակը: Ինչպես հայտնել են Կրեմլի մամլո ծառայությունում, երկու կողմերը միաձայն կարծիք են հայտնել, որ քիմիական զենքի կիրառումն անթույլատրելի է:

Կողմերը նաև վստահ են, որ հարկավոր է կարգավորման ուղիներ փնտրել բացառապես քաղաքական ու դիվանագիտական մեթոդներով, մինչդեռ ԱՄՆ-ն ու Մեծ Բրիտանիան հայտարարում են առանց ՄԱԿ ԱԽ թույլտվության ռազմական միջամտության մասին: