Սերժ Սարգսյանը համոզված է, որ Ռամիլ Սաֆարովը կստանա իր արժանի պատիժը
Մեկնաբանելով հայ սպա Գուրգեն Մարգարյանի սպանության գործով դատավարության վերջին նիստը` ՀՀ նախագահին առընթեր ազգային անվտանգության խորհրդի քարտուղար, պաշտպանության նախարար Սերժ Սարգսյանը, մասնավորապես, ասել է. «Ես հավատում եմ հունգարական արդարադատությանը - համոզված եմ, որ ոճրագործը կստանա իր արժանի պատիժը»: Այդ մասին PanARMENIAN.Net-ին հայտնել է ՀՀ պաշտպանության նախարարի մամլո քարտուղար, գնդապետ Սեյրան Շահսուվարյանը:
Հիշեցնենք, որ հայ սպա Գուրգեն Մարգարյանի սպանության գործով Բուդապեշտում ընթացող դատավարության ապրիլի 4-ի նիստում հունգարացի դատախազը ցմահ բանտարկություն է պահանջել ադրբեջանական բանակի սպա Ռամիլ Սաֆարովի համար, ընդ որում առաջին 30 տարին առանց համաներման իրավունքի: Դատախազը հայտարարել է, որ սպանությունը կատարվել է առանձնահատուկ դաժանությամբ եւ սպառնալիք է հանդիսանում Հունգարիայի ազգային անվտանգության համար: Նա նաեւ ընդգծել է, որ հանցագործության կատարման պահին Ռ.Սաֆարովը մեղսունակ է եղել: Իր հերթին հայկական կողմի շահերը ներկայացնող հունգարացի փաստաբան Գաբրիելա Կասպարն ավելացրել է, որ Գ.Մարգարյանի սպանությունը պետք է որակել որպես ցեղասպանություն, քանի որ այն կատարվել է ազգային հողի վրա:
Հիշեցնենք, որ հայ սպա Գուրգեն Մարգարյանի սպանության գործով Բուդապեշտում ընթացող դատավարության ապրիլի 4-ի նիստում հունգարացի դատախազը ցմահ բանտարկություն է պահանջել ադրբեջանական բանակի սպա Ռամիլ Սաֆարովի համար, ընդ որում առաջին 30 տարին առանց համաներման իրավունքի: Դատախազը հայտարարել է, որ սպանությունը կատարվել է առանձնահատուկ դաժանությամբ եւ սպառնալիք է հանդիսանում Հունգարիայի ազգային անվտանգության համար: Նա նաեւ ընդգծել է, որ հանցագործության կատարման պահին Ռ.Սաֆարովը մեղսունակ է եղել: Իր հերթին հայկական կողմի շահերը ներկայացնող հունգարացի փաստաբան Գաբրիելա Կասպարն ավելացրել է, որ Գ.Մարգարյանի սպանությունը պետք է որակել որպես ցեղասպանություն, քանի որ այն կատարվել է ազգային հողի վրա:
