Եվրոյի գոտու ֆինանսների նախարարների խորհուրդը գոհ է Կիպրոսի իշխանությունների աշխատանքի արդյունքներից երկրի տնտեսության վերականգնման ուղղությամբ, հայտարարել է Եվրախմբի ղեկավար Երուն Դեյսելբլումը:
Գարնանը կղզին հավանություն ստացավ եվրոյի գոտուց և ԱՄՀ 10 մլրդ եվրոյի չափով հատկացման համար:
Դրամական հատկացումները Կիպրոսին պայմանավորված են մի շարք պահանջների կատարմամբ տնտեսության և բանկային ոլորտում: Վարկատուների «եռյակը»՝ ԵԿԲ, Եվրահանձնաժողովի և ԱՄՀ ներկայացուցիչներն ամեն եռամսյակ այցելում են երկիր և գնահատում նրանց պահանջների կատարումը: «Եռյակի» երկրորդ այցը Նիկոսիա ավարտվեց անցած շաբաթ, հայտնում է «ՌԻԱ Նովոստին»:
«Ծրագիրն ընթանում է նախանշված կուրսով: Մենք ուրախ էինք լսել, որ զգալի առաջընթաց է արձանագրվել պարտքի վերակազմավորման և վերակապիտալիզացիայի հարցում»,-ասել է Դեյսելբլումը Եվրախմբի նիստի ավարտին կայացած մամլո ասուլիսում:
Ֆինանսական կայունության եվրոպական մեխանիզմը մտադիր է որոշում կայացնել Կիպրոսին հերթական դրամական հատկացումն անելու վերաբերյալ մինչև տարեվերջ:
