Թուրքիայի պաշտպանության նախարար Իսմեթ Յիլմազը կարգադրել է վերականգնողական աշխատանքներ սկսել Սիվասի Սբ. Գևորգ եկեղեցում, որը գտնվում է ռազմակայանի տարածքում: Եկեղեցուց այժմ միայն փլատակներ են մնացել: Ինչպես գրում է հայ-թուրքական «Ակոս» թերթը, նախարարն օգնության խնդրանքով դիմել է Սիվասի իշխանություններին:
Հայ բարեգործական «Սիվասի Սբ Գևորգ եկեղեցի» միության շնորհիվ, եկեղեցին ՊՆ ղեկավարի աջակցությամբ տեղափոխվել է ռազմակայանի տարածքից: Վերականգնողական աշխատանքները կարող են սկսվել գարնանը:
Վերջին տարիներին Թուրքիայում սկսել են վերականգնել քրիստոնեական, այդ թվում հայկական եկեղեցիները՝ զբոսաշրջիկներին գրավելու համար: Վերականգնված եկեղեցիները հայտնվում են Թուրքիայի մշակույթի ու զբոսաշրջության նախարարության իրավասության տակ, ժամերգությունն այնտեղ արգելված է, դրանք գործելու են միայն որպես թանգարաններ:
Մինչ 1915 թվականը Օսմանյան կայսրությունում գործել է շուրջ 2000 հայկական եկեղեցի ու վանք, որից այժմ կանգուն են մնացել հաշվածները: Հայոց ցեղասպանությունից հետո եկեղեցիներն օգտագործվել են որպես գոմեր, պահեստներ կամ ուղղակի ոչնչացվել են:
