Ռուսաստանի ու Վրաստանի սահմանին գտնվող Դարյալ-Վերին Լարս սահմանային անցակետը անցել է աշխատանքի 24-ժամյա ռեժիմի:
Ինչպես հայտնել են Վրաստանի ներքին գործերի նախարարությունում, այդ որոշումը կայացվել է զբոսաշրջիկների քանակի ավելացման պատճառով, որոնք մեկնում են Վրաստանի ձմեռային հանգստավայրեր: Բացի այդ, ավելացել է Վրաստանից արտահանվող գյուղմթերքի քանակը, ինչպես նաև սահմանի տարանցիկ հատումները:
Միևնույն ժամանակ պարզեցվել է ՌԴ վիզաների տրամադրման կարգը բեռնատարների վարորդների համար, հայտնում է «Գրուզիա Օնլայնը»:
Ռուսաստանը 2008 թ. օգոստոսին Ցխինվալի դեմ ռազմական ագրեսիայից հետո ճանաչեց Հարավային Օսեթիայի ու Աբխազիայի անկախությունը: Ի պատասխան Թբիլիսին խզեց հարաբերությունները Մոսկվայի հետ և երկու ինքնահռչակ հանրապետությունները հայտարարեց գրավյալ տարածքներ:
Իվանիշվիլիի իշխանության գալուն պես Ռուսաստանի և Վրաստանի միջև բանակցություններ սկսվեցին հարաբերությունների կարգավորման մասին: Վրացական կողմը ներկայացնում է Իվանիշվիլիի հատուկ ներկայացուցիչ, Մոսվկայում Վրաստանի նախկին դեսպան Զուրաբ Աբաշիձեն, ռուսականը՝ ԱԳ փոխնախարար Գրիգորի Կարասինը: Ռուսական շուկա են արդեն վերադարձել «Բորժոմի» հանքային ջուրն ու վրացական գինին:
Աբաշիձե-Կարասին հերթական հանդիպումը տեղի կունենա Սոչիի Օլիմպիադայից հետո: