Գործարկվել է հայկական վարկանիշային նոր համակարգը՝ Qanon.am-ը, որի նպատակն է մեկ հարթակի տակ հավաքել հայկական ինտերնետ-միջավայրի բոլոր կայքերը և դրանց հաճախելիության մասին ինֆորմացիա տրամադրելով։
Համակարգի միջոցով հնարավոր կլինի համեմատել կայքերի հաճախելիությունն ըստ դասակարգումների։ Գովազդի մասնագետների համար Qanon.am-ը կարող է գովազդային հարթակներ ընտրելու հարմար գործիք դառնալ։ Համակարգի բաժինները ստեղծվել են հաշվի առնելով ինտերնետ-գովազդի մասնագետների կարծիքները։
Խորագրերն ընտրվել են ըստ կայքերի այցելուների կառուցվածքի: Օրինակ`Sport բաժնի ընթերցողները տղամարդիկ են, Entertainment / Rest / Women և Kids / Health բաժիններինը հիմնականում կանայք են կարդում, Real Estate / Home բաժնի այցելուները պոտենցիալ անշարժ գույք գնող կամ վաճառողներ են և այլն։
Համակարգն այս պահին 28 տեսակի հաշվետվություն էտրամադրում և դրանց տեսակները մշտապես ավելանալու և բարելավվելու են։
Համակարգից կհեռացվեն կայքերը, որոնք արհեստական գործիքներով կփորձեն ազդել իրենց այցելուների ցուցանիշների վրա։
3 ամսից համացանցի հայկական հատվածի մասին պարբերաբար հաշվետվություններ կտրամադրվեն: Օրինակ՝ կայքերի ընդհանուր հաճախելիության, օգտագործվող օպերացիոն համակարգերի և դրանց լեզուների, օգտագործվող դիտարկիչների, բջջային հեռախոսների առավել օգտագործվող օպերացիոն համակարգերի մասին, ինչպես նաև այլ տեսակի հաշվետվություններ։
Qanon.am-ի սկզբունքը թափանցիկ հաշվետվություն տրամադրելն է։