Թուրքիան ՆԱՏՕ-ի լիիրավ անդամ է, որը համաձայնվել է Հայաստանի հետ անհատական համագործակցության ծրագրին: Այդ մասին հայտարարել է Հարավային Կովկասում ՆԱՏՕ-ի գլխավոր քարտուղարի հատուկ ներկայացուցիչ Ռոբերտ Սիմոնսը Երեւանում կայացած մամլո ասուլիսի ժամանակ: Նրա խոսքերով, ՆԱՏՕ-ն չի պատրաստվում լուծել այն երկրների միջեւ առկա քաղաքական խնդիրները, որոնք Դաշինքի մաս են կազմում, կամ մասնակցում են գործընկերության ծրագրերին: «Հայաստանն ու Թուրքիան իրենք պետք է լուծեն հարաբերությունների նորմալացման եւ հայ-թուրքական սահմանի բացման հարցերը»,-ընդգծել է նա: