Կիրակի օրը, հունիսի 4-ին, օրվա վերջում Մոսկվայի Լյուբերեցկի շրջանի Սպիտակ առանձնատան շրջանում 50 տականքներ հարձակվել են Մոսկվայի սոցիալական գիտությունների ինստիտուտի ռեկտոր Էռնեստ Գրիգորյանի ընտանիքի վրա: Ինչպես հաղորդել են PanARMENIAN.Net-ին Ռուսաստանի հայերի միության տեղեկատվական ծառայությունում, տղամարդիկ ծեծի են ենթարկվել եւ կորցրել են գիտակցությունը, կանայք ուղեղի ցնցումով տեղափոխվել են հիվանդանոց: Հայտնված միլիցիան ձերբակալել է տուժածներին, հայտարարելով, թե հենց իրենք են հրահրել ծեծկռտուքը: Իրավիճակը պարզաբանվել է, երբ միլիցիայի բաժանմունքում հայերը տեսել են միլիցիոների, որում նրանք ճանաչել են վարորդին, որին մեկ ժամ առաջ չեն կարողացել ճանապարհ զիջել խցանման պատճառով: Հավանաբար, այդ 50 ստահակների թվում եղել են նաեւ նրա ստորադասները, որոնք համոզված են եղել սեփական անպատժելիության մեջ: ՌՀՄ մամլո կենտրոնի ղեկավար Դավիթ Բաբայանի խոսքերով, Գրիգորյանների ընտանիքը մտադիր է դիմել դատարան: