«ԱրմենՏել»-ի 90% բաժնետոմսերի գնորդի անունը հայտնի կդառնա հուլիսի վերջին - օգոստոսի սկզբին: Այս մասին երեկ լրագրողներին հայտնեց ՀՀ տրանսպորտի եւ կապի նախարար Անդրանիկ Մանուկյանը: Նրա խոսքերով, բաժնետիրոջ փոփոխման դեպքում միայն կորոշվի լիցենզիայի պայմանների վերանայման խնդիրը: Նախարարը նշեց, որ «ԱրմենՏել»-ի հավանական 4 գնորդների վերաբերյալ ՀՀ կառավարությունը իր դիրքորոշումը դեռ չի արտահայտել: Նա գոհունակություն հայտնեց, որ OTE-ն վաճառում է իր բաժնետոմսերը, հայտնում է «Երկիր» թերթը:

Հիշեցնենք, որ «ԱրմենՏել»-ի գնման մրցույթի առաջին փուլից հետո ընկերության բաժնետոմսերի ձեռքբերման պայքարը շարունակում են ռուսական ընկերություններ «Վիմպելկոմը» եւ ՄՏՍ-ը, ինչպես նաեւ ETISALAT (Emirates Telecommunications Corporation /Istithmar ETV -Emergent Telecom Ventures) եւ VTEL Holdings/Knightsbridge Associates ընկերությունները:ս