Դեկտեմբերի 25-ի գիշերը հակառակորդի կողմից շփման գծի հարավարևելյան ուղղությամբ ձեռնարկված հետախուզադիվերսիոն գործողությունները վնասազերծելուց հետո ՊԲ առաջապահ ուժերի առջև խնդիր էր դրվել հետախուզել ամբողջ առաջնագիծը: Արդյունքում պարզվել է, որ բացի վերոնշյալ գործողություններից հակառակորդի հատուկ ջոկատայինները ևս երկու ուղղություններով (արևելյան և հյուսիսարևելյան) հատել են հակամարտ զորքերի միջդիրքային տարածքը և ականապատել որոշ հատվածներ:

Ձեռնարկված օպերատիվ միջոցառումների շնորհիվ, տեղադրված բոլոր ականները վնասազերծվել են: Ականազերծման գործողությունների ընթացքում արտակարգ միջադեպեր տեղի չեն ունեցել:

Մինչև այդ ՊԲ-ից տեղեկացրել էին, որ ադրբեջանական զինուժը ՊԲ հարավարևելյան հատվածի երկու ուղղությամբ հետախուզադիվերսիոն ներթափանցման գործողություններ է ձեռնարկել,կիրառել տարբեր տրամաչափի հարձակողական զենքեր, այդ թվում` ձեռքի նռնակներ:

ՊԲ առաջապահ ստորաբաժանումները հակառակորդին կորուստներ են հասցրել և ստիպել նահանջել ելման դիրքեր: Հակառակորդին դիմակայելու ընթացքում պաշտպանության բանակը կորուստներ չի ունեցել:

ՊԲ առաջապահ ստորաբաժանումները շարունակում են վստահորեն վերահսկել ամբողջ առաջնագիծը:Վերջերս հակառակորդը ակտիվ խախտում է շփման գծումհրադադարի պահպանման ռեժիմը: Դեկտեմբերի 14-ից 20-ն ընկած ժամանակահատվածում հրադադարը խախտվել է մոտ 1200 անգամ, հակառակորդը տարբերտրամաչափի հրաձգային զինատեսակներից հայ դիրքապահների ուղղությամբ արձակել է ավելի քան 12.000 կրակոց:

Կարդացեք նաև՝ Հակառակորդը 2 դիվերսիա է ձեռնարկել, կորուստներ տվել և հետ շպրտվել