Հուլիսի 7-ին Հայաստանի վարչապետն աշխատանքային այցով մեկնելու է Վրաստան
Հայաստանի վարչապետ Անդրանիկ Մարգարյանը հուլիսի 7-ին եռօրյա աշխատանքային այցով կմեկնի Վրաստան` Բաթումիում կայանալիք Տնտեսական համագործակցության հարցերով հայ-վրացական միջկառավարական հանձնաժողովի 5-րդ նիստին մասնակցելու նպատակով: Այցի ընթացքում նախատեսվում է Անդրանիկ Մարգարյանի հանդիպումը Վրաստանի վարչապետ Զուրաբ Նողաիդելիի հետ: Հանձնաժողովի նիստում կքննարկվեն նախորդ նիստի որոշումների կատարման ընթացքը, երկկողմ տնտեսական համագործակցության ներկա վիճակին ու զարգացման հեռանկարային ուղղություններին, այդ թվում` գյուղատնտեսության, էներգետիկայի, մաքսային, տրանսպորտի եւ կապի, զբոսաշրջության եւ այլ ոլորտներում փոխգործակցությանն առնչվող հարցեր:
Հայաստանի կառավարական պատվիրակության կազմում են ՀՀ ֆինանսների եւ էկոնոմիկայի նախարար Վարդան Խաչատրյանը, ՀՀ արտաքին գործերի նախարարի տեղակալ Գեղամ Ղարիբջանյանը, ՀՀ կառավարությանն առընթեր մաքսային պետական կոմիտեի նախագահ Արմեն Ավետիսյանը, ՀՀ էներգետիկայի նախարարի տեղակալ Արեգ Գալստյանը, ՀՀ վարչապետի խորհրդական Ստեփան Մարգարյանը, «Հայկական երկաթուղի» ՓԲԸ-ի գործադիր տնօրեն Արարատ Խրիմյանը, ԱԺ պատգամավորներ: Աշխատանքային այցի շրջանակներում հայկական պատվիրակությունը կայցելի նաեւ Բաթումի մի շարք ձեռնարկություններ, առեւտրածովային նավահանգիստ: Այցը կավարտվի հուլիսի 10-ին, հայտնում է ՀՀ կառավարության մամլո ծառայությունը:
Հայաստանի կառավարական պատվիրակության կազմում են ՀՀ ֆինանսների եւ էկոնոմիկայի նախարար Վարդան Խաչատրյանը, ՀՀ արտաքին գործերի նախարարի տեղակալ Գեղամ Ղարիբջանյանը, ՀՀ կառավարությանն առընթեր մաքսային պետական կոմիտեի նախագահ Արմեն Ավետիսյանը, ՀՀ էներգետիկայի նախարարի տեղակալ Արեգ Գալստյանը, ՀՀ վարչապետի խորհրդական Ստեփան Մարգարյանը, «Հայկական երկաթուղի» ՓԲԸ-ի գործադիր տնօրեն Արարատ Խրիմյանը, ԱԺ պատգամավորներ: Աշխատանքային այցի շրջանակներում հայկական պատվիրակությունը կայցելի նաեւ Բաթումի մի շարք ձեռնարկություններ, առեւտրածովային նավահանգիստ: Այցը կավարտվի հուլիսի 10-ին, հայտնում է ՀՀ կառավարության մամլո ծառայությունը:
