Ղարաբաղի գծով ԵԱՀԿ ԽՎ զեկուցողի ինստիտուտը կարող է ձեւափոխվել աշխատանքային խմբի: Այդ մասին Երեւանում մամլո ասուլիսի ժամանակ հայտարարել է Հայաստանի խորհրդարանի փոխխոսնակ Վահան Հովհաննիսյանը: Նրա խոսքերով, աշխատանքն այդ ձեւաչափում կարող է շատ ավելի արդյունավետ լինել: Միեւնույն ժամանակ նա նշել է, թե այն բանից, որ Գորան Լենմարկերը ընտրվեց ԵԱՀԿ ԽՎ նախագահ, Հայաստանը ոչինչ չկորցրեց: «Լենմարկերը գտնում է, որ մինչեւ տարեվերջ ղարաբաղյան հակամարտության կարգավորման շուրջ անպայման աշխատանք կկատարվի: Բոլորն են գիտակցում, թե ով է այդ գործընթացում պատրաստ փոխզիջման, իսկ ով` ոչ: Հայաստանը ցույց տվեց իր առավելագույն հնարավորությունները»,-հայտարարել է Վահան Հովհաննիսյանը, հաղորդում է «Ռեգնում» գործակալությունը: