ԱՄՆ Արիզոնայի համալսարանի պրոֆեսոր, թուրքական ծագում ունեցող գրող տիկին Էլիֆ Շաֆակին մեղադրանք է ներկայացվել «թուրք ժողովրդի արժանապատվությունը վիրավորելու մեջ»: Մինչեւ երեք տարի բանտարկություն նախատեսող Թուրքիայի ՔՕ 301 հոդվածով հետպնդվելու առիթ է հանդիսացել «Հայրն ու անօրինական որդին» վեպը: 35-ամյա գրողի վեպում խոսվում է Օսմանյան Թուրքիայում 1915 թվականին տեղի ունեցած իրադարձությունների մասին, հայտնում է United Press International-ը:

«Հայերն ու թուրքերը տարբեր դարաշրջաններում են ապրում: Եթե մենք իրական երկխոսություն ենք ցանկանում երկու կողմերի միջեւ, մենք պետք է գիտակցենք այդ գործոնը»,- գրում է Շաֆակը: Վեպի գլխավոր հերոսուհիներից մեկը հայուհի Արմանուշն է, ով պատմում է Հայոց ցեղասապնության ժամանակ սպանված իր նախնիների մասին եւ ապաշխարանքի է սպասում: