ՌԴ նախագահ Վլադիմիր Պուտինը, որն երկօրյա աշխատանքային այցով գտնվում է Ֆրանսիայում, կբանակցի Ֆրանսիայի նախագահ Ժակ Շիրակի հետ, որի ընթացքում առանձնակի ուշադրություն կհատկացվի առեւտրատնտեսական կապերի ընդլայնմանը ՌԴ եւ Ֆրանսիայի միջեւ: Ակնկալվում է, որ Ռուսաստանի եւ Ֆրանսիայի նախագահները կքննարկեն նաեւ ղարաբաղյան հակամարտության խաղաղ կարգավորման գործընթացը ԵԱՀԿ Մինսկի խմբի շրջանակներում, որտեղ երկու երկրները համանախագահներ են:
Շաբաթ օրը երկու երկրների նախագահներին կմիանա Գերմանիայի կանցլեր Անգելա Մերկելը: Հանդիպման ժամանակ կքննարկվեն Եվրամիության հետ Ռուսաստանի համագործակցության հարցը եւ միջազգային խնդիրների մեծ շրջանակ, ներառյալ «Իրաքի հարցը», հաղորդում է Analitika.az-ը: