Աշխարհի գրեթե բոլոր երկրներում շինարարները աղյուսը ձեռքով են շարում, չնայած տեխնիկական առաջընթացին: Սակայն ավստրալացի ինժեներ Մարկ Պիվակը գտել է այդ գործընթացն ավտոմատացնելու ձևը: Նա ստեղծել է պատշար Hadrian ռոբոտը, որը կարող է ռեկորդային սեղմ ժամկետում բնակելի տուն կառուցել:

Ռոբոտը կարողանում է ժամում 1000 աղյուս շարել: Այսպիսով, աշխատելով օրական 24 ժամ և ամբողջ տարին` 365 օր, նա կկարողանա յուրաքանչյուր 2 օրը մեկ նոր բնակելի տուն կառուցել:

Շինարարական աշխատանքի մեկնարկից առաջ ռոբոտը 3D CAD տվյալների հիման վրա որոշում է հեռանկարում յուրաքանչյուր աղյուսի գտնվելու վայրը: Հետո Hadrian-ն ինքնուրույն հատում է աղյուսները և շարում դրանք ըստ տրված հաջորդականության` որոշ տարածություն թողնելով խողովակների և էլեկտրական լարերի համար: Ռոբոտը նույնիսկ կարող է չշարժվել` ամբողջ աշխատանքը կատարում է 850-մետրանոց «շոշափուկը»: