Հոկտեմբերի 12-13 Երեւանում տեղի կունենա ԵԽ երկրների արդարադատության նախարարների հերթական հանդիպումը
Եվրոպայի Խորհրդի անդամ երկրների արդարադատության նախարարների հերթական հանդիպումը տեղի կունենա հոկտեմբերի 12-13-ին Երեւանում: «Մեզ համար մեծ պատիվ է նման կարեւոր նիստն անցկացնել մեր երկրի մայրաքաղաքում»,-հինգշաբթի օրն Երեւանում հայտարարել է Հայաստանի ԱԳՆ ղեկավար Վարդան Օսկանյանը Եվրոպայի Խորհրդի «Մարդու իրավունքները տեղեկատվական հասարակությունում` աջակցություն երեխաներին եւ երիտասարդությանը» խորագրով համաեվրոպական համաժողովի ընթացքում: Ապրիլի 7-8 Հելսինկիում կայացած նախորդ հանդիպման թեման էր «Արդարադատության սոցիալական ասպեկտները», հաղորդում է «Նովոստի-Արմենիան»:
