ՆԱՏՕ-ն լիովին հավանություն է տալիս ԵԱՀԿ Մինսկի խմբի ղարաբաղյան հակամարտության կարգավորմանն ուղղված ջանքերին եւ հուսով է, որ կողմերին կհաջողվի համաձայնության գալ: Այդ մասին Երեւանում մամլո ասուլիսի ժամանակ հայտարարել է Հարավային Կովկասում եւ Կենտրոնական Ասիայում ՆԱՏՕ-ի Գլխավոր քարտուղարի հատուկ ներկայացուցիչ Ռոբերտ Սիմոնսը: Նրա խոսքերով, բանակցությունների ներկա ձեւաչափը փոփոխության կարիք չունի: «ՆԱՏՕ-ն բանակցային գործընթացի մասնակից կամ միջնորդ չէ: Անմիջական աջակցությունը ղարաբաղյան հակամարտության կարգավորմանը ՆԱՏՕ-ի խնդրիը չէ, սակայն մենք պատրաստ ենք ցանկացած օգնություն ցուցաբերել հակամարտության կողմերին»,-ընդգծել է Ռոբերտ Սիմոնսը: