Ֆրանսիայի Ազգային Ժողովը 106 կողմ եւ 19 դեմ ձայներով ընդունել է Հայոց ցեղասպանության ժխտման համար քրեական պատասխանատվություն սահմանող օրինագիծը, հաղորդում է Ֆրանսիական ռադիոն: Ընդ որում ֆրանսիացի պատգամավորները չեն ընդունել Պատրիկ Դեվեջյանի առաջարկած ուղղումը, որի համաձայն օրենքը չպետք է տարածվեր պատմաբանների վրա: Օրենքի ուժ ստանալու համար օրինագիծը պետք է հաստատվի Ֆրանսիայի Սենատի կողմից եւ ստորագրվի Ժակ Շիրակի կողմից: Հիշեցնենք, որ օրինագիծը 1 տարվա ազատազրկում եւ 45 հազար եվրո տուգանք է նախատեսում Օսմանայն Թուրքիայում իրագործված Հայոց ցեղասպանության ժխտման համար: