Հայաստանի նախագահ Ռոբերտ Քոչարյանն այսօր հանդիպում է ունեցել Հայաստանում Եվրահանձնաժողովի պատվիրակության ղեկավար Թորբեն Հոլցեի հետ, որն ավարտում է իր դիվանագիտական առաքելությունը, հայտնում է երկրի ղեկավարի մամլո ծառայությունը: Կողմերը համատեղ արդյունավետ աշխատանքի համար շնորհակալություն են հայտնել միմյանց: Հանրապետության նախագահը գոհունակությամբ նշել է, որ Եվրահանձնաժողովի պատվիրակության ղեկավարի պաշտոնավարման ընթացքում Հայաստան-Եվրամիություն հարաբերություններում գրանցվել է լուրջ առաջընթաց: Դրանք ձեռք են բերել շատ ավելի համակարգված բնույթ եւ մտել են մեր երկրի համար շատ կարեւոր փուլ: Ռոբերտ Քոչարյանը համոզմունք է հայտնել, որ նոր հարեւանության քաղաքականության շրջանակում Գործողությունների ծրագիրը հնարավորություն կտա ավելի սերտ եւ արդյունավետ աշխատել: