Հոկտեմբերի 2-ին կայացել է Chivas 18-ի The Art of Hosting (թարգ.՝ «հյուրընկալության արվեստը» - խմբ.) խորագրով միջոցառումը, որի ընթացքում կոմպոզիտոր, երաժիշտ Տիգրան Համասյանը և ֆին շեփորահար Մաթիաս Էյքը բացառիկ ծրագիր են ներկայացրել: Դրանում ներառված էին ինչպես հայտնի գործեր, այնպես էլ նոր կատարումներ, որոնք մինչև այդ որևէ տեղ չէին հնչել:

Ավելի քան 200 տարվա պատմություն ունեցող շոտլանդական Chivas-ը The Art of Hosting նախագծի շրջանակում փակ միջոցառում էր կազմակերպել, հավաքելով 150 հյուրի՝ մտավորականների, արվեստագետների և գործարարների:

Հյուրերը հնարավորություն են ունեցել Տիգրան Համասյանի և Մաթիաս Էյկի երաժշտության ներքո համտեսել Chivas 18 շոտլանդական վիսկին: Միջոցառման ավարտին ընթրիք է մատուցվել՝ տարատեսակ ուտեստներով և երեկոյի համար հատուկ պատրաստված Chivas 18-ի կոկտեյլներով:

Chivas շոտլանդական վիսկին, որի պատմությունը սկսվել է 1801-ին, մեծ հեղինակություն է վայելում ամբողջ աշխարհում: Այն վաճառվում է ավելի քան 150 երկրում, և Եվրոպայում սուպեր պրեմիում կարգի ամենավաճառվող շոտլանդական վիսկին է: