Նոյեմբերի 22-ին ՀՀ նախագահին առընթեր ազգային անվտանգության խորհրդի քարտուղար, ՀՀ պաշտպանության նախարար Սերժ Սարգսյանի գլխավորած պատվիրակությունը կմեկնի Բրեստ, որտեղ նոյեմբերի 23-ին կմասնակցի ԱՊՀ եւ ՀԱՊԿ պաշտպանության նախարարների խորհուրդների նիստերին: Այդ մասին PanARMENIAN.Net-ին հայտնել է ՀՀ պաշտպանության նախարարի մամլո քարտուղար, գնդապետ Սեյրան Շահսուվարյանը: Նոյեմբերի 24-ին եւ 25-ին Մինսկում պատվիրակությունը կմասնակցի ՀԱՊԿ անվտանգության խորհուրդների քարտուղարների կոմիտեի նիստին: Այցերի ընթացքում նախատեսվում են մի շարք երկկողմ հանդիպումներ, ինչպես ռազմական համագործակցության ծրագրերի ստորագրում ՌԴ, Բելառուսի եւ Ուկրաինայի պաշտպանության նախարարների հետ: