2016-ի մարտի 21-ից 29-ը ՖԻՖԱ-ի կողմից սահմանված է՝ որպես միջազգային ընկերական հանդիպումներ անցկացնելու ժամանակահատված:
Հայաստանի ֆուտբոլի ֆեդերացիայի և Բելառուսի ֆուտբոլի ֆեդերացիայի միջև արդեն ձեռք է բերվել համաձայնություն այդ ընթացքում՝ ընկերական խաղերի համար նախատեսված առաջին օրը, Երևանում ընկերական հանդիպում անցկացնելու կապակցությամբ, տեղեկացնում է ՀՀ ֆուտբոլի ֆեդերացիան:
Այս պահին ընթանում են բանակցություններ նշված ժամանակահատվածում ևս մեկ ընկերական հանդիպում անցկացնելու կապակցությամբ:
Վերջերս Հայաստանի հավաքականի գլխավոր մարզչի պաշտոնը ստանձնեց Վարուժան Սուքիասյանը, որի գլխավորությամբ ազգային թիմը մասնակցելու է ԱԱ-2018-ի ընտրական փուլին: ԱԱ-2018-ի ընտրական փուլում Հայաստանի մրցակիցներն են լինելու Լեհաստանի, Ռումինիայի, Դանիայի, Մոնտենեգրոյի և Ղազախստանի հավաքականները: